اتجوزنى عشان فلوس ابويا وبعدها رمانى انا وعيالى القصة كامة
انت في الصفحة 1 من 40 صفحات
رواية جعلتني ملتزما بقلم بنت الصعيد
أدم …اللي انا مستغربه بقا يا والدي هو لسة فيه بنات بتوافق علي عريسها من غير ما تشوفه ولا خوفي تكون البت معيوبة ومخبيين
والده (منير الالفي)..يابني ايه اللي بتقوله ده وحتي لو معيوبة دي بنت كمال العادلي واحنا محتاجين ابوها..وبعدين البنت كان ليها شرط واحد بس في اللي هتتجوزه
أدم …شرط ايه بقا ياحج
أدم ….وانت قولتلهم ايه بقا عني
منير …قلتلهم انك بتصلي الفجر حاضر
أدم …يادي النيلة عليا وعلي سنيني.دانا مش عارف اتجاه
القبلة ف شقتي دانا عمري ما ركعتها
أدم..اكيد لا طبعا.اومال أنا ايه خلاني اوافق اني اتجوز بالطريقة الغبية دي
منير …بجد انت يا آدم اثبتلي انك راجل بجد لما وافقت
أدم …ليه هو أنا ما قولتلكش يا حج
منير …والمص….ايه يا ولد ماتتكلم علي طول
أدم..أنا عندي شرط يا حجوج..وشرطي اني بعد ما تكسب المناقصة وتقف الشركة علي رجليها مرة تانية..أنا هطلق بنت العدلي واتجوز رنا
منير …بحزن…انت لسة ماشي مع البنت دي يا آدم البنت دي ما تنفعش تبقا زوجة
أدم …بجدية…بابا دا شرطي قلت ايه
أدم …اهو شفت منقبة اكيد وحشة ومنيلة بستين نيلة عشان كده مخبية وشها يارب عيني ع البلوة دي
_______________
وفعلا جي تاني يوم واستعد أدم للعشا ولكن جاله تليفون
رنا بعياط وسهوكة …كده يا ادم كده هتتجوز وتسيبتي اهيه واهيه
أدم …لا لا متعيطيش أنا ما استحملش عياطك يا جميل.
دي جوازة كده وكده عشان ننقذ شركتنا وبعدين هطلقها واتجوزك انتي يا قمر وخدي التقيلة بقا بابا وافق علي جوزانا بعد ما يكسب المناقصة
رنا بفرحة…بجد يا دووومي احنا لازم نحتفل حالا
أدم ….لا لا قلبي الضعيف مايستحملش (صلاة النبي احسن)
خلاص انا جاي ان شاء الله عني ماشفتها
___________________
وفعلا نفض أدم للعشا عند عروسته وراح يسهر في الديسكو مع رنا فضلوا في الديسكو حوالي ساعتين
رن تليفون أدم
أدم …ايوا يا حج
منير …انت مجنون يا ابني الناس مستنينك ع العشا ما اتهببتش ليه ورحت زي ما اتفقنا
أدم عمل نفسه ناسي….يخرب بيت مخك يا ادم..اسف يا حج نسيت والله أنا رايح اهو
قفل أدم الخط واخد رنا ووصلها بيتها وراح لفيلا كمال العدلي كانت الساعة ١١بالليل
ادم..السلام عليكم
كمال بترحيب …وعليكم السلام ورحمه الله وبركاته..اتفضل يا ابني (أدم كان مربي لحيته موضة طبعا)
أميرة …في سرها.ماشاء الله ملتحي
لف أدم بنظره ف كل مكان وماشفش العروسة
كمال فهم أنه بيدور عليها
كمال بابتسامة …..اتفضل اقعد يا بشمهندس أدم معلش انت اتأخرت حبيبة بتنام بدري عشان بتصحي تصلي الفجر
أدم ….اممممم …طيب ربنا يزيدها …أنا اسف ع التأخير كنت في الشركة يخلص شوية اوراق
كمال….ربنا يوفقك انت موهوب يا ادم أنا شفت تصاميمك للمشروع ارض الاحلام مبدئيا بداية تبشر بالخير
أدم ….شكرا علي ثقة حضرتك دي شهادة اعتز بها
قعد أدم اتعشا ودردش كتير في الشغل ما كمال جذب كمال حب أدم للهندسة وإبداعه في الكلام عن التصاميم
_______________________
عدي اسبوع بسرعة وماحدش عبر أدم ولا عزمه تاني وهو كان غير مبالي تماما أنه يشوف العروسة وجه يوم كتب الكتاب والفرح
زهرة (والدة ادم)….اصحي يا ادم يا حبيبي انهاردة فرحك
أدم …طب يا ماما ربنا يتمم بخير الف مبروك …ونام تاني
زهرة خبطته بالمخدة …يا واد اصحي مش وقت نوم لازم تظبط الفرح لانه هيبقا ف قاعتين
ادم…فاق..نعممممم دا اللي هو ازاي يعني هو كل عيلة هتبقا ف قاعة ولا ايه
زهرة…..بتضحك….لا يا خفيف الستات في قاعة والرحالة ف قاعة فرح إسلامي يا اهبل
أدم …. والله عشت يا ادم ياللي خربها وهتشوف نفسك بتتجوز في فرح إسلامي فعلا اللي يعيش ياما يشوف
زهرة …المهم راجعت جزء عم زي ما باباك قالك عشان لازم تصلي بيها انهاردة …
أدم ….طبعا دانا بقالي اسبوع وانا بحفظ فيه وربنا يستر..
___________________
وفعلا الفرح تم ع الطريقة الإسلامية وادم ما شافش حبيبة
للمتابعة اضغط متابعة القراءة:
